Кипар
06.декември – 09.декември
Кипар е остров во Средоземното Море, четвртиот по големина по Сицилија, Сардинија и Корзика. Често се опишува како остров на љубовта или остров на Афродита. Ларнака е еден од најстарите и најубави градови на Кипар, сместен на јужниот брег на островот. Познат е по својата долга историја, прекрасните плажи и пријателската атмосфера. Градот претставува комбинација на старо и ново – древни археолошки локалитети стојат рамо до рамо со современи градби и туристички зони. Еден од најпознатите симболи на Ларнака е црквата Свети Лазар, изградена во 9. век, која е значаен пример на византиската архитектура, како и соленото езеро на Ларнака – природна атракција која привлекува илјадници розови фламинга секоја зима.
ПРОГРАМА :
Термин на патување: 06.декември – 09.декември
1 ДЕН (06 декември) Пристигнување на аеродромот во Скопје 2 часа пред полетување. Полетување во 07:50 часот кон Ларнака.Слетување во 11:00 часот. Организиран трансфер до избраниот хотел.Ноќевање.
2-3 ДЕН: Престој во одбраниот хотел на база ноќевање со појадок. Слободни активности по сопствен избор.Прекрасни плажи, убави градби, медитеранска храна. Можност на користење на факултативни излети.
4 ДЕН ( 09 декември) Појадок во хотел и одјавување. Слободно време за кафе и ручек пред организиран трансфер до аеродром. Полетување за Скопје во 18:15. Слетување во 19:40 часот.
Вкупна цена на аранжманот изнесува 265 ЕУР или 16380 денари.
Во цената на аранжманот е вклучено:
– Авионски билети Скопје – Ларнака – Скопје
– Аеродромски такси
– Рачен багаж со димензии :40x30x20 до 10 кг
– Трансфер аеродром – хотел – аеродром
– 3 ноќевања со појадок во хотел 3*
Во цената на аранжманот не е вклучено:
– Чекиран багаж 20 кг. од 4000 денари
– Патничко осигурување
– Трошоци од личен карактер
Напомена:
- Плаќање во денарска противредност по курс 1еур=61.8 мкд;
- Цените се променливи во зависност од терминот на патување и расположливоста со места во авионите и хотелите во момент на резервација;
- Цените се по лице за сместување во двокреветна соба.
Најпознати знаменитости:
–Црква Свети Лазар
Црквата на Свети Лазар (Church of Saint Lazarus) е најпознатата градба во Ларнака и еден од најзначајните византиски споменици на Кипар. Изградена е на гробот на Свети Лазар во 9 век. Неговиот гроб е пронајден во 890 година, а на истиот било напишано: “Лазар, Пријател на Христос”.
–Солено Езеро
Познатото Солено Езеро (Salt Lake, локално познато како “Aliki”) се наоѓа во непосредна близина од меѓународниот аеродром во Ларнака. Второ е по големина од овој тип на Кипар. Во текот на летото езерото е исушено со траги од сол, додека пак во зима се полни со вода и станува место на кое се собираат илјадници розеви фламингоси и повеќе од 85 видови на водни птици (од ноември до март).
–Шеталиштето Финикудес
Ова е најпознатиот дел од градот и омилен меѓу туристите. Шеталиштето Финикудес (Finikoudes) започнува кај пристаништето, а се завршува со средновековната тврдина. Финикудес е идеално место како за дневни прошетки, така и за вечерни забави.
